Xixón del Aria mía ye un proyeutu pa promocionar y dar puxu a la llírica en Xixón. A la manera de

llaboratoriu artísticu, en Xixón del Aria Mía consíguese esperiencia en producción escénica y xestión de

la llírica en xeneral, col envís d’afitar esti xéneru musical na ciudá. 

L'eventu ta estructuráu en dos partes, una primera gastronómico-social y una segunda o recital llíricu.

Depués del ésitu de les dos ediciones anteriores, tenemos disposición abondo pa producir una tercera.

Pasamos entós a describir lo que va ser XIXÓN DEL ARIA MIA III pa esti añu 2026.

ELENCU ARTÍSTICU

MARCELO PUENTE

Nacíu n'Arxentina, tien nacionalidá arxentina y española. En 2017 Marcelo Puente saltó a la fama

internacional cuando cantó per primer vegada na Royal Opera House de Londres como Pinkerton en

«Madame Butterfly». Tamién s’estrenó na Staatsoper d’Hamburgu y el Théâtre Royal de la Monnaie

como Pinkerton, na Canadian Opera Company como Cavaradossi en «Tosca» y na Ópera de Sidney

como Don José en «Carmen». En 2018 cantó'l personaxe de Paolo en «Francesca da Rimini» na Opéra

du Rhin n'Estrasburgu y fizo’l so estrenu nel Teatru alla Scala de Milán; y en 2019 debutó con «Tosca»

na Ópera Nacional de París. En 2019-2020 actuó per primer vegada nel Teatru Real nel papel

protagonista de Don Carlos y repitió personaxe y títulu pal so estrenu na Ópera Nacional de Grecia. En

2020 fizo’l so primer Pollione de «Norma» na Staatsoper d’Hamburgu; y debutó con «Tosca» na Ópera

de Marsella. En 2021-2022 cantó «Norma» en Dresde, «Madame Butterfly» en Montecarlo, «Andrea Chenier» n'Atenes y «Don Carlo» en Marsella. Na temporada 2022-2023 interpretó «Tosca» nel Teatru

Colón de Buenos Aires, na Staatsoper d’Hamburgu y na Ópera de San Diego en California.

Tamién estrenó’l personaxe de Calaf de «Turandot» nel Festival de Branu en Taormina. En 2024 tornó al

Covent Garden de Londres con «Tosca»; debutó con «Cavalleria rusticana» na Ópera d’Hamburgu y

interpretó «Tosca» nel Teatru de Bonn. En 2025 tornó a la Ópera de Grecia con «La forza del destino» y

«Tosca» y debutó nel papel de Radamés en «Aida» nel Teatru Colón.

En Zarzuela, Marcelo Puente cantó «La Chulapona» de Federico Moreno Torroba nel Teatru de la

Zarzuela y el Leandro de «La Tabernera del puerto» de Sorozábal en 2025 con ésitu de públicu y

crítiques.

MARÍA ZAPATA

Nacida n'Asturies, estudió pianu nel Conservatoriu Superior Eduardo Martínez Torner (Uviéu) y cantó na

Escuela Superior de Cantu de Madrid. Completó la so formación nel Centre de Perfeccionament Plácido

Domingo Palau de Les Arts (València) y na Accademia Pucciniana (Torre del Lago). Tomó parte en

delles Masterclass con Mariella Devia, Dalton Baldwin, Dolora Zdajick…

Llogró bien de premios en concursos nacionales y internacionales, ente los que destaquen el Denise

Duval nel Positively Poulenc Competition (Nueva York). Foi finalista nel Concursu Internacional Tenor

Viñas 2019, onde consiguió un premiu Ferrer-Salat. Ganó tamién nel Concursu Internacional de

Colmenar Viejo, nel Concursu Internacional de Logroño, nel Concursu Internacional Luis Mariano

d’Irún…

Debutó como Sor Angelica nel Festival Pucciniano de Torre del Lago, y el próximu febreru va facelo

como Elvira en «Ernani» na Ópera d´Uviéu.

Va poco cantó’l rol d’Angélica na ópera d’estrenu de Luis Vázquez del Fresnu, «La Dama del Alba».

Cantó nel Palau de Les Arts Reina Sofía (València), nel Teatru Campoamor (Uviéu), nos Teatros del

Canal (Madrid)… y debutó nel Gran Teatre del Liceu (Barcelona).

Dientro de la so actividá concertística intensa destaquen la so collaboración con Dalton Baldwin na

Princeton University (Nueva Jersey), la xira col Festival Pucciniano de Torre del Lago per Italia, y dos

xires per China y Corea. Tamién fai conciertos davezu con Aurelio Viribay centraos en lied, mélodie y

canción de conciertu española.

Pa Radio Clásica (RNE) grabó «La Dame de Montecarlo» xunto al pianista Jorge Robaina y collaboró

con Joaquín Pixán nun discu dedicáu a María de Lejárraga.

SERGIO VÁZQUEZ

Nacíu n’Uviéu en 1990, con namás 8 años pasó a formar parte de la Escolanía de Covadonga onde se

formó como neñu cantor baxo la tutela de Jorge de la Vega Laria y Víctor Leoncio Diéguez Marcos,

estudió pianu y solféu con Fernando Álvarez y violín con José Manuel González Valdés. Al rematar la so

etapa na Escolanía de Covadonga siguió cola formación musical nel Conservatoriu Profesional d’Uviéu

nes especialidaes de violín (con Noemí Díaz), cantu (con María Antonia Entrialgo) y órganu (con Elisa

García).

Al tiempu, siguió cola so formación coral en delles agrupaciones asturianes y cántabres como la Schola

Cantorum de la Catedral d’Uviéu, el coru d’ópera del conservatoriu d’Uviéu -onde tien un papel solista- o

la Camerata coral de la Universidá de Cantabria. Complementó la so formación con dellos cursos

musicales de violín, de cantu coral y de téunica vocal, cursos corales, cursos de composición y de

direición.

Anguaño, sigue formándose na especialidá de direición d’orquesta y almitiéronlu na Royal School of

Music de Londres na especialidá de direición d’orquesta. Recibió clases de direutores prestixosos.

Vázquez foi organista titular de la Basílica de San Juan el Real d’Uviéu dende 2015 hasta 2023,

collaborando tamién con dellos coros y ensembles, ofreciendo conciertos y recitales. En 2016 empezó a

ser direutor de la Coral Polifónica de Les Arriondes y depués, en 2017, formó un coru de voces graves,

Ensemble Vocal In Paradisum, del que ye direutor, col que fizo l’estrenu y grabación posterior d’un

himnu pal Centru Asturianu de Méxicu.

Nel 2018, collaboró nel estrenu y grabación d’una «Misa en honor a la Virgen de Covadonga», na

qu’amás yera l’asistente artísticu de solista y compositor. Ye’l direutor de la Orquesta Clásica de Les

Arriondes - Asturias (OCA) cola que fizo distintos proyeutos y estrenos, ente los que destaquen Ópera

en la calle (2019), Conciertu nel Auditoriu Príncipe Felipe d’Uviéu (2019), «Weihnachstoratorium» de C.

Saint - Saëns (2019) o Ciclu de conciertos de branu, onde se reestrenen dellos númberos de la zarzuela

«Maharajá» del compositor G. Martínez y l’estrenu absolutu de la obra «Salve Regina» pa

mezzosopranu y orquesta del compositor J. Diego Fernández (2020). Con motivu del 1200 Aniversariu

de la Catedral d’Uviéu, dirixó’l conciertu El gregoriano de las Catedrales onde s’estrenó la obra «Domus

mea» pa coru de voces graves, órganu y percusión del compositor asturianu G. Ordás dientro del marcu

d’actividaes de la Nueche Blanca d’Uviéu (2021). N’ochobre de 2021, dirixó l’estrenu de la «Fantasía V.

Virgen con niño y San Juanito» pa mezzosopranu y orquesta y el «Himno a San Juan» na Basílica de

San Juan el Real d’Uviéu, dambes obres del compositor G. Martínez. N’ochobre de 2021, como

organista, collaboró cola Orquesta Uviéu Filarmonía (OFIL) nel estrenu del poema sinfónicu «Locus

Iste». N’avientu fizo la grabación d’un CD cola O.C.A. nel Auditoriu Príncipe Felipe d’Uviéu. En xunetu

de 2022 fizo l’estrenu de la obra «Pprincipio e Maggio» pa mezzosopranu y orquesta sinfónica, dientro

d’esi mesmu programa dirixó la «Fantasía Coral» de L. V. Beethoven cola pianista Carmen Yepes y la

O.C.A. En setiembre de 2022, empecipió a ser el direutor del Ensemble Vocal “In Aeternum”. N’ochobre

de 2022 dio’l pregón nel XXXI Certame de la Castaña en reconocimientu a la so actividá cultural

bayurosa nel conceyu de Parres. En xineru de 2023 grabó cola Orquesta Clásica de Les Arriondes -

Asturies dos canciones asturianes de creación nueva, presentaes na Feria Internacional de Turismu

(FITUR). En 2023 creó’l festival de música “Les Arriondes, paraísu de la música”, del qu’amás ye’l

direutor artísticu-musical. En xunetu/agostu de 2023 dirixó dellos conciertos dientro del festival de

música “Les Arriondes, paraísu de la música”, ente ellos la zarzuela «La Gran Vía». En payares de

2023, abrió un actu institucional tres les pallabres del Embaxador d’España na Unión Europea

interpretando «El Amor Brujo» de M. de Falla. En xunetu de 2024, dirixó «La verbena de la Paloma»,

zarzuela de Tomás Bretón, con un elencu de primer nivel -Francisco J. Sánchez, Juan Noval, Lola

Casariego, Bárbara Fuentes y Carla Sampedro ente otros-.

Ente los sos conciertos recientes atopamos el reestrenu de la obra «Amanecer en Bonngasse»,

l’estrenu de la versión orquestada del ciclu de fantasíes «Óleos en música» o l’estrenu y grabación de la

«Misa Jubilar» de V. L. Diéguez pa la Santa Ilesia Catedral Basílica Metropolitana d’Uviéu. Vázquez tien

trabayao con artistes internacionales como Patxi Aizpiri, Carmen Yepes, Juan Noval, Bárbara Fuentes,

Francisco J. Sánchez, Lola Casariego, Carla Sampedro, Juan Laboreria o Juan Salvador Trupia, ente

otros.

El 3 d’agostu de 2025 exerció como Direutor Musical de la segunda edición de Xixón del Aria Mía, onde

llevó alantre una actuación perdestacada, motivu pol que ta propuestu otra vuelta pa esta edición.

FILARMÓNICA DEL NORTE DE ESPAÑA

La orquesta FILARMÓNICA DEL NORTE D’ESPAÑA, naz al abellugu del Ayuntamientu de Les

Arriondes y ta conformada por instrumentistes profesionales col envís d’arriquecer musicalmente la

rexón y averar la música clásica a llugares de difícil accesu. Les y los sos componentes son músicos

titulaos, con muncha esperiencia participando en proyeutos con otres agrupaciones de renome

n’Asturies (OSPA, OFIL, Banda de Música Ciudá d’Uviéu...) y con bien de motivación por contaxar la so

pasión pola música a un públicu qu’abarca toles edaes. Estrenóse en Les Arriondes en 2019 con un

conciertu esitosu d’aries y coros d’ópera con una acoyida perbona ente’l públicu asistente. Esi mesmu

añu fizo un conciertu nel Auditoriu Príncipe Felipe y llevó a la Basílica de San Juan el Real el

«Weihnachtsoratorium» de C. Saint - Saëns n’avientu. En 2020 ofreció dellos conciertos, antoloxía de la

zarzuela, onde se reestrenaron dellos números de la zarzuela «Maharajá» (obra encargada pol 125º

aniversariu del Teatru Campoamor d’Uviéu). El segundu, un repertoriu d’obres clásiques, onde se

estrenó una aria del compositor Jorge Diego Valera. Estrenó la «Fantasía V. Virgen con niño y San Juanito» pa mezzosopranu y orquesta recoyida nel Ciclu Óleos en música compuestu pa la Fundación Selgas Fagalde y el «Himno a San Juan» na Basílica de San Juan el Real d’Uviéu, obra escrita pol compositor Guillermo Martínez. N’avientu de 2021 fizo la so grabación en formatu CD nel Auditoriu Príncipe Felipe o Vázquez. En xunetu de 2022 interpretó la «Fantasía Coral» de Beethoven xunto a la pianista Carmen Yepes, amás fizo l’estrenu de la obra «Pprincipio e maggio» pa mezzosopranu y orquesta. En xineru de 2023 grabó cola Orquesta Clásica de

Les Arriondes - Asturies dos canciones asturianes del compositor G. Martínez, presentaes na Feria

Internacional de Turismu (FITUR). En xunetu de 2023, dientro del festival “Les Arriondes, Paraísu de la

Música” ofreció un conciertu sinfónicu-coral xunto al Ensemble Vocal “In Aeternum”. N’agostu de 2023,

dientro del festival “Les Arriondes, Paraísu de la Música” interpreta la zarzuela «La Gran Vía». En

payares de 2023, abrió un actu institucional tres les pallabres del Embaxador d’España na Unión

Europea interpretando «El Amor Brujo» de M. de Falla. En xunetu de 2024, fizo «La Verbena de la

Paloma», zarzuela de Tomás Bretón con un elencu de primer nivel conformáu por Francisco J. Sánchez,

Juan Noval, Lola Casariego, Bárbara Fuentes o Carla Sampedro ente otros. Ente los sos conciertos vinientes tán l’estrenu d’un «Oratoriu de Navidá», ciclu de seis fantasíes pa orquesta clásica y mezzosopranu de G. Martínez, el reestrenu de «Amanecer en Bonngasse» y la grabación d’un CD con obres del compositor y prefeutu de música de la S. I. Catedral Metropolitana de San Salvador d’Uviéu «Sancta Ovetensis», D. Víctor Leoncio Diéguez. En xunetu de 2025 tuvo un papel estelar na segunda edición del eventu Xixón del Aria Mía. La orquesta Filarmónica del Norte de España diríxela’l maestru D. Sergio Vázquez Castañón.

REPERTORIU PROVISIONAL

“Oh Fortuna!” «Carmina Burana» Carl Orff.

“Casta Diva” «Norma» V. Bellini.

“Dio mi potevi scagliar” «Otello» Verdi.

“Pace, pace mio Dio” « La Forza del Destino» Verdi.

“E lucevan le stelle” «Tosca». Puccini.

“Coro de gitanos” «Il Trovatore» Verdi.

“Mesicku na nebi” « Rusalka» Dvorack.

“Nessum Dorma”  «Turandot» Puccini.

DESCANSU

“Chotis del Eliseo” «La Gran Vía» Chueca y Valverde.

“Brilla cuchillo” «La Leyenda del Beso» R. Soutullo y Juan Vert

“Mazurca de las sombrillas”. Luisa Fernanda.

“Seguidillas” «La Verbena de la Paloma» T. Bretón.

“Caballero del alto plumero” Luisa Fernanda. Torroba.

“De España vengo” «El Niño Judío» Pablo Luna.

“No puede ser” «La Tabernera del Puerto»